SOFJE, 24 prill /ATSH-BTA/ – Libri studimor “Komunitetet bullgare në Shqipëri dhe Kosovë. Proceset socio-politike dhe pasojat demografike (1913-2024)” nga autori Spas Tashev u paraqit për publikun në Qendrën Kulturore Bullgare në Sofje mbrëmjen e 23 prillit.
Në këtë ngjarje morën pjesë zëvendëspresidentja bullgare, Iliana Iotova, CEO i Agjencisë Ekzekutive për Bullgarët Jashtë vendit, Raina Mandzhukova, ambasadorja shqiptare në Sofje Inid Milo, zyrtarët e ambasadës së Kosovës, Bujar Deskaj dhe Bekim Misini, Radostin Vankin, i Ministrisë së Jashtme bullgare dhe diplomatë të Ministrisë së Jashtme bullgare.
Kishte gjithashtu profesorë dhe studentë nga Universiteti i Sofjes dhe Universiteti i Studimeve Bibliotekare dhe Teknologjive të Informacionit, anëtarë të Akademisë Bullgare të Shkencave dhe Unionit të Gazetarëve Bullgarë si dhe përfaqësues të komunitetit bullgar në Shqipëri.
Gazetarja Milena Milotinova, e cila drejtoi veprimtarinë, tha se libri u botua nën një program të Agjencisë Ekzekutive për Bullgarët Jashtë vendit.
Ai eksploron një periudhë prej më shumë se një shekulli, duke vënë në qendër të vëmendjes epokën komuniste në Bullgari midis viteve 1944 dhe 1990, e cila ishte një pikë boshe në studimet mbi komunitetet bullgare në Shqipëri dhe Kosovë.
Iotova vlerësoi autorin Spas Tashev për kërkimin e tij të mundimshëm dhe njohuritë e tij të gjera në një temë që shumëkush konsiderohet si shumë e vështirë për t’u zotëruar.
Tashev është doktor i Statistikave dhe Demografisë në Akademinë Bullgare të Shkencave dhe ish-nënkryetar i Agjencisë Shtetërore për bullgarët jashtë vendit.
Ajo e përshkroi librin si “një dokument shumë të vlefshëm për diplomatët dhe institucionet bullgare për të punuar kur duhet të marrin vendime politike për komunitetet tona në Shqipëri dhe Kosovë”.
Tashev tha se libri i detyrohet shumë Liljana Stojmenovas, e cila aktualisht jeton në Strumicë. Ambasadat bullgare në Shqipëri dhe Kosovë iu bashkuan online prezantimit për shtyp të librit në Sofje/ /os/
