Me kalimin e viteve dhe lehtësimin e jetës që po na jep zhvillimi teknologjik, ngrihen disa pyetje lidhur me fazën e adoleshencës.
A është më e vështirë të jesh adoleshent këto ditë? Adoleshentët e sotëm e kanë më të lehtë jetën se sa ata të brezave të kaluar?
Pew Research Center zhvilloi një sondazh së fundmi, nga u pyetën 1453 prindër dhe adoleshentë: “Krahasuar me 20 vite më parë, mendoni se të qenurit adoleshent sot është më e vështirë, më e lehtë apo po njësoj?”.
69% e prindërve u përgjigjen se kjo fazë është tashmë më e vështirë, ashtu sikurse 44% e adoleshentëve u përgjigjen po njësoj. Në këtë përgjigje dallohet qartazi se si mendojnë shumica, teksa vihet re se janë prindërit ata të cilët janë më të shqetësuar për adoleshentët.
Nga ana tjetër, 15% e prindërve mendojnë se adoleshentët e kanë jetën më të thjeshtë krahasuar me 20 vite më parë. Një përgjigje e tillë është mbështetur nga rreth 12% e adoleshentëve.
13% e të rriturve shprehen se jeta e një adoleshenti të sotëm me atë të 20 vite më parë është po e njëjta. Rreth 15% e të rinjve mendojnë të njëjtën gjë.
Të pasigurtë janë shprehur rreth 4% e prindërve dhe 29% e adoleshentëve.
Përse prindërit mendojnë se të jesh adoleshent sot është më e vështirë?
Një shumicë prej 41% ka fajësuar teknologjinë, e veçanërisht rrjetet sociale për vështirësimin e jetës së adoleshentëve.
Ndërsa disa prej të rriturve përmendën mediat sociale në terma të gjera, të tjerë sollën përvoja specifike e të rinjve të tyre në këto platforma. 16% e tyre u shprehen se adoleshentët ndjejnë presion në këto media dhe rrisin pritshmëri jo normale. Këto përfshijnë adoleshentët që ndihen sikur duhet të duken apo të veprojnë në një mënyrë të caktuar apo të përformojnë në jetë sipas një niveli të paracaktuar prej mediave sociale.
Përtej teknologjisë, 5% e prindërve cilësojë bullizmin si një arsye përse adoleshentët e kanë jetën më të vështirë, 8% e tyre fajësojnë narkotikët ndërsa 3% e të rriturve pandehin se ekspozimi i të rinjve ndaj personave me ndikim negativ është faktor kryesor.
Përse disa prindër thonë se është më e lehtë të jesh adoleshent sot?
Ndër prindërit që thonë se është më e lehtë të jesh adoleshent sot, afërsisht gjashtë në dhjetë përmendin teknologjinë si arsye.
Disa referojnë një lloj specifik teknologjie, si interneti (14%). 8% e tjerë përmendin telefonat inteligjentë dhe 3% citojnë mediat sociale.
Një në dhjetë prindër shprehet se të jesh adoleshent sot është më e thjeshtë për shkak se aksesi në burime dhe informacione është akoma e më e thjeshtë krahasuar me 20 vite më parë.
Përse adoleshentët shprehen se është më e vështirë sot?
Mes të rinjve që thonë se është më e vështirë të jesh adoleshent sot, një në dhjetë prej tyre përmendin teknologjinë si arsye. Kjo përfshin një të katërtën që emërtojnë në mënyrë specifike mediat sociale.
Pak përmendin në mënyrë specifike internetin (6%) ose telefonat inteligjentë (3%) si arsye. Rreth një në dhjetë (11%) përmendin teknologjinë gjerësisht ose një lloj tjetër teknologjie (për shembull videolojërat).
doleshentët përmendin disa arsye që nuk e përmendin në mënyrë specifike teknologjinë – më e spikatura, presionet dhe pritshmëritë e shtuara të vendosura mbi ta. Përafërsisht tre në dhjetë prej atyre që thonë se jeta e adoleshencës është më e vështirë sot (31%) thonë se kjo është për shkak të këtyre presioneve dhe pritshërive.
15% e tjerë thonë se është më e vështirë sepse bota është më keq sot, për shkak të gjërave të tilla si çështjet politike, vlerat që janë të ndryshme ose vendi ka rënë në një farë mënyre.
Arsyet e tjera që nuk përmendin teknologjinë – duke përfshirë dhunën dhe drogën, bullizmin dhe problemet e shëndetit mendor – përmenden nga 8% e këtyre adoleshentëve ose më pak.
Përse të rinjtë shprehen se është më e thjeshtë të jesh sot adoleshent?
Adoleshentët shohin gjithashtu mënyra se si teknologjia e bën jetën më të mirë, pavarësisht nëse kjo i ndihmon ata të ndjekin hobi , të shprehin kreativitetin e tyre ose të ndërtojnë aftësi . Në përgjithësi, pak mendojnë se jeta e adoleshentëve është më e lehtë sot se 20 vjet më parë, por ata që e bëjnë kryesisht thonë se teknologjia është një arsye.
Gjashtë në dhjetë adoleshentë që thonë se jeta e adoleshencës është më e lehtë sot i referohen teknologjisë në një farë mënyre. Këtu përfshihen 14% që përmendin internetin dhe 12% që përmendin telefonat. Vetëm 3% emërojnë rrjetet sociale.
Këtu përfshihen edhe 46% që referojnë teknologjinë në përgjithësi ose ndonjë lloj tjetër specifik teknologjie.
14% prej tyre thonë se jeta është më e lehtë sepse ka më pak presione dhe pritshmëri për njerëzit e moshës së tyre.
Po e njëjta pjesë thotë se të pasurit më shumë burime në dispozicion të tyre e ka bërë jetën më të lehtë.
3% e të rinjve janë shprehur se bota është në kushte më të mira sot, ndërsa 4% e tyre thanë se njerëzit janë më të mirë me njërin tjetrin.
Si krahasohen prindërit dhe adoleshentët në këtë çështje?
Prindërit dhe adoleshentët janë kryesisht dakord për atë që e bën rritjen sot më të vështirë se në të kaluarën.
Por shkalla me të cilën ata citojnë faktorë të caktuar si mediat sociale apo përballja me presione ndryshojnë.
Ndër ata që thonë se të jesh adoleshent sot është më e vështirë , 65% e prindërve besojnë se kjo është për shkak të teknologjisë në një farë mënyre. Kjo bie në 39% te adoleshentët.
Kjo ndarje bie në sy edhe kur bëhet fjalë për mediat sociale në mënyrë specifike (41% kundrejt 25%).
Adoleshentët, nga ana tjetër, kanë më shumë gjasa se prindërit të përshkruajnë çështje që lidhen me arritjet e tepërta ose që duhet të shikojnë në një mënyrë të caktuar. Mes atyre që thonë se jeta e adoleshentëve është më e vështirë sot, 31% e adoleshentëve përmendin presionet dhe pritshmëritë si arsye, krahasuar me 16% të prindërve.
Megjithatë, ka fusha në të cilat prindërit dhe adoleshentët janë të sinkronizuar. Për shembull, pjesë të ngjashme përmendin se vendi ose bota janë më keq sot (15% secili) dhe dhuna dhe droga (8% secila) si arsyet që jeta sot për adoleshentët është më e vështirë.
Dhe mes atyre që thonë se të jesh adoleshent sot është më e lehtë , afërsisht gjashtë në dhjetë prindër (59%) dhe adoleshentët (60%) përmendin teknologjinë në një farë mënyre.
