Pronarët e autobusëve që kanë linja përreth Kosovës, janë duke protestuar brenda Stacionit të Autobusëve.
Koha.net ka mësuar se kjo protestë po ndodh si shkak i një vendimi që ka marrë Menaxhmenti i Stacionit të Autobusëve.
Agjencitë e këtyre autobusëve që kanë linja nëpër Kosovë, po kundërshtojnë vendimin e tyre që udhëtarët të paguajnë biletat brenda nëpër sportele.
Këta shoferë, sot nuk kanë qarkulluar në asnjë drejtim.
Brenda Stacionit të Autobusëve, është i pranishëm edhe një numër i madh i njësiteve policore duke e përcjellë protestën.
Të gjithë udhëtarët të cilët nuk posedonin bileta, policia i ka larguar nga autobusët.
Koha.net ka provuar të kontaktojë drejtorin e Stacionit të Autobusëve, Ylber Çitakun, për të folur rreth këtij vendimi, por ai ka qenë i paqasshëm.
