Kryeministri i vendit, Albin Kurti tha se sot në orët e pasdites pritet të mbahet mbledhja e Qeverisë së Kosovës, në të cilën do të miratohet Projektligji për buxhetin e vitit 2022.
Kurti në një konferencë për media tha se sot në orët e hershme të mëngjesit ka pasur takim me ministrin e Financave, Hekuran Murati lidhur me këtë çështje.
“Sot kam pasur takim me ministri Hekuran Murati dhe kemi diskutuar që ta bëjmë sot pasdite në mbledhje të Qeverisë, ku do të miratohet buxheti për vitin 2022”, tha ai.
Kreu i ekzekutivit tha se krahasuar me rishikimin e buxhetit në mes të vitit, buxheti për 2022 do të jetë 9 për qind më i lartë, megjithatë sipas tij kjo çështje do të merret vesh pasdite.
