Nën moton “Do të (mbijetojmë) së bashku!”, sot në Shkup u mbajt Parada e gjashtë e Krenarisë, me fokus në bashkim, rezistencë dhe luftë për të drejtat e njeriut.
Ngjarja e këtij viti u njoftua si protestë, jo si festë, për shkak të, siç theksuan organizatorët, rritjes së gjuhës së urrejtjes, heshtjes institucionale dhe shkeljes së të drejtave të komunitetit LGBTI+.
Marshimi filloi në Parkun “Gruaja Luftëtare”, dhe më pas tubimi nga Parlamenti u drejtua drejt Ministrisë së Arsimit dhe Shkencës dhe Qeverisë.
