Të akuzuarit nga Dhomat e Specializuara të Kosovës do të dalin në seancën e dytë. Është gjyqtari i procedurës paraprake që ka thirrur seancën e dytë pas shqyrtimit të preferencave të palëve, për datën 17 dhjetor 2020, duke nisur nga ora 11:00, transmeton Klan Kosova.
Seanca është thirrur për të dëgjuar palët për më të rejat, parashtresat që kanë bërë ata deri më sot dhe të kërkohen informacione mbi çështjet vijuese.
Pikë tjetër është edhe nëse mund të sigurohet një datë për Zyrën e Prokurorit të Specializuar lidhur me hetimet.
