Gazetar: Miki trajkovski
Kryetari i komunës së Strugës, Ramiz Merko, administratën e madhe komunale do ta transferojë në objektin e vjetër të shkollës fillore Vëllezërit Mliladinov, e cila është nën mbrojtjen e shtetit si monument kulture, shkruan Alsat.
Për momentin në objekt po kryhen aktivitete ndërtimore, si dhe punohet në rregullimin e hapësirës në brendësi. Por, nga muzeu i Ohrit, si institucion kompetent, thonë se punohet ilegalisht, pasi komuna nuk ka marrë leje për menaxhimin e muzeut.
“Me pak fjalë, jo. Në gusht ai vendim mori formë të prerë dhe ankesa e dërguar nga komuna e Strugës u refuzua dhe në atë moment vlejnë të gjitha ligjet për trashëgiminë kulturore për atë shkollë. Në të njëjtën ditë, ne dërguam analizë tek ekspertët tanë atje, i konstatuam të gjitha vërejtjet, se po bëhen punime ndërtimore dhe ne reaguam dhe i dërguam shkresë Drejtorisë së trashëgimisë kulturore, që dërgon inspektim që i konstaton të gjitha këto parregullsi”, tha Mishe Tutkoski- drejtor i Entit dhe Muzeut të Ohrit.
Sipas ligjit për mbrojtjen e trashëgimisë kulturore, në objekte të tilla nuk mund të ndërhyhet pa projekte të miratuara konservatore, gjë që sipas Tutkoskit, komuna nuk e ka në pronësi.
“E dimë se gjërat po shkojnë mirë atje. Megjithatë, nuk kemi autoritet për ta parandaluar atë më tej”, u shpreh Mishe Tutkoski – Drejtor i Institutit dhe Muzeut Ohër.
Nga VMRO DPMNE thanë se për uzurpimin e objektit do ta informojnë Prokurorinë e Shtetit dhe do të parashtrojnë ankesë për kontroll të jashtëzakonshëm nga organet kompetente, objekti është i ndërtuar në vitin 1936 dhe që nga viti 2013 është shpallur monument kulturor./ Alsat.mk
