Një 18-vjeçar nga Peja, i cili jetonte në Suedi ku edhe vazhdon studimet për mjekësi, është qëlluar për vdekje me thikë ndërsa ndodhej në shoqërinë e disa miqve të tij.
Të rinjtë, sipas medieve kosovare janë sulmuar nga persona të paidentifikuar.
Si pasojë e plagëve të marra, Suad Shkreli, që ishte djalë i vetëm, ka ndërruar jetë në spital. Dy prej shokëve të tij janë në gjendje të rëndë shëndetësore.
Mendohet se Shkreli u ka bërë rezistencë agresorëve në përpjekje për të mbrojtur miqtë e tij. Ngjarja ndodhi disa metra larg banesës së të riut, i cili jetonte me familjen në Suedi që nga koha e luftës në Kosovë.
