Tre viktima dhe pesë të plagosur është bilanci i një sulmi me armë në një qendër joga brenda zonës tregtare të Tallahassee, në Florida.
Lajmi është bërë i ditur nga shefi i policisë Michael DeLeo, që shpjegoi :-“ Shumë persona janë përpjekur që të shpëtojnë jo vetëm veten e tyre por edhe të tjerët”, duke theksuar edhe guximin e tyre.
Sipas asaj që raporton CNN autori i sulmit me armë ishte 40 vjeç dhe quhej Scott Paul Beierl, i cili më pas vrau edhe veten. Mbetet ende i paqartë motivi që e çoi atë drejt planifikimit të kësaj masakre. Më parë një zëdhënës i bashkisë lokale kishte thënë se episodi ishte i lidhur me një mosmarrëveshje familjare.
Departamenti i policisë së Tallahassee ka identifikuar emrat e dy viktimave si doktor Nancy Van Vessem, 61 vjeç dhe Maura Binkley, 21 vjeçe.
