Nenad Canak, politikan në Serbi ishte këtë të hënë në Euronews Albania për të folur rreth sulmit të ndodhur më 23, tetor 2023 në afërsi të Manastirit të Banjskës në Kosovë.
Sipas tij, shërbimet e inteligjencës perëndimore kanë pasur informacione për sulmin që kjo organizatë kriminale e udhëhequr nga Milan Radoiçiç do të kryente n ë veri, por nuk kanë vepruar pasi kanë dashur ta kapin në flagrancë Aleksandër Vuçiçin.
Sipas Canak, ky ka qenë një kurth për presidentin e Serbisë.
“Shërbimet inteligjente perëndimore i dinin të gjitha këto dhe lejuan hapin e parë të kësaj ngjarje të realizohej. Perëndimi donte që ta kapte Vuçiçin në kushtet e flagrancës dhe siç mund ta shikoni në fillim nuk pati reagime nga Beogradi, por dyshoj se një informacion i tillë të mos ketë qenë në duart e inteligjencës perëndimore. Ata po përgatisinin një kurth dhe kurthi rezultoi efikas”,-tha Nenad Canak.
