Të paktën 10 persona janë vrarë pasi një person me automatik ka hapur zjarr në një kishë afër kryeqytetit të Egjiptit, Kajros, tha ministri i shëndetësisë.
Sulmuesi të premten ka tentuar të hyjë në kishën Mar Mina në qytetin Helwan, në jug të Kajros.
Forcat e sigurisë raportojnë për vrasjen e sulmuesit të armatosur, njofton “Al Jazeera”, transmeton Periskopi.
Raportet lokale thonë se ekziston një sulmues i dytë për të cilën ende nuk ka një të dhënë se ku gjendet.
Personat e vrarë janë të besimit të krishterë.
Profesori i sigurisë nga Instituti Doha Omar Ashour tha për “Al Jazeera” se “Egjipti deri më tani është përfshirë nga 2, 000 sulme në tri vitet e fundit”.
“Ka dy çështje, një është kriza politike në Egjipt që u shpalos pas vitit 2013. Kjo nuk është zgjidhur dhe po krijon gjithnjë e më shumë rekrutime dhe radikalizime për grupet e armatosura të formave të ndryshme”, potencoi ai.
