Ministri i Drejtësisë i Kosovës, Abelard Tahiri, ka thënë se vetëm ratifikimi i Marrëveshjes për shënimin e kufirit ndërmjet Kosovës dhe Malit të Zi po e mban peng liberalizimin e vizave për qytetarët e Kosovës.
Sipas tij, luftimi i korrupsionit – kushti tjetër i vënë nga BE’ja ndaj Kosovës në shkëmbim të liberalizimit të vizave – tashmë është përmbushur.
“Kemi arritur progres në këtë fushë”, ka thënë Tahiri, teksa ka folur për kushtin e luftimit të korrupsionit.
“Kjo është konfirmuar nga Bashkimi Evropian”, ka thënë ai, gjatë një debati në KTV.
