Komisioni parlamentar për hetimin e deportimit të gjashtë shtetasve turq do të vazhdojë edhe këtë javë intervistimin e disa personave, shkruan Gazeta Express.
Siç mëson Express, të mërkurën do të raportojnë ish-ministri i Punëve të Brendshme, Flamur Sefaj, kryeinspektori i AKI’së dhe ministri i Infrastrukturës Pal Lekaj.
Deri më tani janë intervistuar disa persona, përfshirë këtu ish-shefin e AKI’së, Driton Gashin, ish-drejtorin e Policisë, Shpend Maxhuni dhe disa zyrtarë policorë.
Intervistimi po bëhet me dyer të mbyllura për media, me kërkesë të përfaqësueseve nga pozita.
Pas Sefajt do të raportojnë edhe krerët e shtetit, përfshirë këtu presidentin e vendit, Hashim Thaçin.
