Gjykata Themelore e Prishtinës, të premten, do të shpallë aktgjykimin ndaj imamit Shefqet Krasniqi, i akuzuar për terrorizëm dhe shmangie tatimi, raporton Gazeta Express
Trupi gjykues, pasi ka dëgjuar fjalët përfundimtare të Prokurorisë dhe mbrojtjes së ish-imamit të xhamisë së madhe, ka njoftuar se aktgjykimin do ta shpallë të premten prej orës 08:30.
Në seancën e sotme, prokurori Elez Blakaj ka kërkuar nga gjykata ta dënojë Shefqet Krasniqin, për të cilin tha se ka prova se shtyu të rinj kosovarë të shkojnë për luftime në Siri e Irak.
Vetë imami u deklarua i pafajshëm.
