Policia në Tetovë ka arrestuar tre persona të dyshuar për të shtëna me armë automatike në një shtëpi familjare, si dhe për krime të tjera të lidhura me to. Rasti është ende nën hetim.
Policia ka arrestuar tre persona për të shtënat me pushkë automatike në një shtëpi në Tetovë, të cilat ndodhën të shtunën, më 8 gusht.
Sipas informacioneve nga Ministria e Brendshme, dje në orën 14:45 në rrugën Tetovë-fshati Selcë, rajoni i Tetovës, oficerë policie të SP-së së Tetovës kanë arrestuar A.D. (34) nga Selca për shkak të dyshimit se ka kryer veprën penale “shkaktim i rrezikut të përgjithshëm”.
Konkretisht, ai dyshohet se ka qëlluar disa plumba nga një pushkë automatike nga një moped me të cilin po udhëtonte në shtëpinë familjare të Sh.B. (48), pas së cilës është larguar.
Lidhur me incidentin, mbrëmë policia kontrolloi shtëpinë dhe lokalet ndihmëse të D.S. (44) në Tetovë. Gjatë kontrollit u gjetën dhe u sekuestruan 66 fishekë municion gjuetie kalibri 12 mm, dy helmeta, dy kamera video mbikëqyrjeje dhe një kartë memorieje, ndërsa u arrestua edhe F.S. (58) nga Tetova, i dyshuar për kryerjen e veprës penale “ndihmë” dhe “prodhim, posedim, ndërmjetësim dhe tregtim pa leje me armë ose eksplozivë”.
Gjithashtu, lidhur me incidentin, F.S. (31) nga Tetova është paraqitur vetë në polici.
Të tre po mbahen në stacionin e policisë dhe pasi çështja të hetohet dhe dokumentohet plotësisht, ndaj tyre do të ngrihen akuza përkatëse.
The post Të shtëna me armë automatike, tre të arrestuar në Tetovë appeared first on Alsat.
