Telekom Serbia ka konfirmuar se ka shfaqur interes për të blerë kompaninë Telekom Albania.
Lajmin e bën të ditur agjencia B92.
Qëllimi i kompanisë është edhe blerja e operatorit telefonik në Republikën Srpska.
“Synimi ynë është që të pozicionojmë veten si një lider rajonal në fushën e telekomunikacioneve. Ne kemi bërë një ofertë dhe ajo është duke u shqyrtuar,” bëri të ditur Telekomi serb.
Telekom Albania është operatori i dytë më i madh në Shqipëri.
Më herët, Telekom Serbia ka bërë me dije se ka reduktuar çështjen e borxheve dhe tashmë është momenti i duhur për zgjerim në rajon.
