Aleanca për Mbrojtjen e Teatrit ka depozituar në SPAK një padi për “tentativë vrasje” kundër ministrit të Brendshëm, Sandër Lleshaj, drejtorit të policisë, Ardi Veliu dhe kryebashkiakut të Tiranës, Erion Veliaj.
“Akuzohen për veprën penale vrasje e mbetur në tentativë. Kemi kërkuar arrestimin e tyre, kemi besim se SPAK do të marrë masat e duhura. Kërkojmë zbardhjen e së vërtetës për atë që ndodhi në 17 maj”, tha për mediat avokatja dhe aktivistja Adriana Kalaja, pas depozitimit të padisë.
“Kur të na merret deklarimi, do të dorëzojmë provat”, shtoi ajo.
