Policia Kufitare ka ndaluar në Pikën e Kalimit Kufitar të Qafë Botës një shtetas hungarez, i shpallur në kërkim për një rast vjedhjeje të ndodhur më 28 korrik në Ksamil.
Specialistët për Hetimin e Krimeve në Komisariatin e Policisë Sarandë, në bashkëpunim me shërbimet kufitare, arrestuan shtetasin A. S., 36 vjeç, banues në Hungari.
Sipas hetimeve paraprake, 36-vjeçari dyshohet se ka vjedhur një portofol që përmbante një shumë parash dhe karta bankare, në pronësi të një shtetasi tjetër, gjatë qëndrimit të tij në Ksamil.
Gjatë kontrollit të ushtruar në automjetin tip Volksëagen, në pronësi të të ndaluarit, shërbimet e Policisë gjetën dhe sekuestruan gjithashtu një pajisje përforcuese metalike grushti (boks), e cila është e ndaluar me ligj.
Njoftimi:
Ksamil/Në vijim të veprimeve hetimore lidhur me shpalljen në kërkim të një shtetasi hungarez, i cili më datë 28.07.2025, në Ksamil, dyshohet se ka vjedhur një portofol me një shumë parash dhe karta bankare të një shtetasi tjetër, specialistët për Hetimin e Krimeve në Komisariatin e Policisë Sarandë, në bashkëpunim me shërbimet e Policisë Kufitare në PKK Qafë Botë, gjatë tentativës për të dalë nga territori i Shqipërisë, ndaluan shtetasin:
A. S., 36 vjeç, banues në Hungari, i shpallur në kërkim për këtë ngjarje.
Gjatë kontrollit të ushtruar në automjetin tip Volkswagen, në pronësi të këtij shtetasi, u gjet dhe u sekuestrua një përforcues grushti metalik.
Materialet për të dy rastet iu referuan Prokurorisë për veprime të mëtejshme procedurale.
