Uniformat blu në kuadër të operacionit policor të koduar “Territori i pastër” kanë asgjësuar 2532 bimë kanabis dhe 23.5 kg kanabis në proces tharjeje.
Në njesinë administrative Shllak u asgjësan 1115 bimë narkotike dhe 23.5 kg kanabis në proces tharjeje.
Në Pult, Shalë dhe Postribë u asgjësuan 1118 bimë kanabis, në njësinë administrative Kastrat 122 bimë dhe në Fierzë 117 bimë të tilla.
Sakaq, blutë vijojnë punën për identifikimin dhe kapjen e personave përgjegjës të kultivimit të këtyre bimëve.
Njoftimi i policisë:
Qarku Shkodër/Në vijim të megaoperacionit policor anticannabis “Territor i pastër”, asgjësohen 2532 bimë cannabisi dhe 23.5 kg cannabis në proces tharjeje.
Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:
-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1115 bimë cannabisi, si dhe 23.5 kg cannabis (pjesë bimësh) në proces tharjeje;
-shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, dhe asgjësuan 1118 bimë cannabisi;
-shërbimet e Komisariatit të Policisë Malësi e Madhe gjetën në territorin e njësisë administrative Kastrat dhe asgjësuan 122 bimë cannabisi;
-shërbimet e Statcionit të Policisë Fushë Arrëz gjetën në territorin e njësive administrative Fierzë dhe asgjësuan 177 bimë cannabisi.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.
Kontrollet vijojnë.
