Të hënën me fillim nga ora 12:30 do të ketë protesta në Tetovë për të kërkuar drejtësi për djegien e Spitalit Modular dhe tragjedinë në Koçan. Siç njoftoi Blendi Hodai nga Iniciativa Zero, protesta do të fillojë nga sheshi “Iliria” dhe do të përfundoj para Gjykatës së Tetovës. Hodai tha se, kërkesat e tyre janë që të ketë rigjykim për të gjitha tragjeditë që kanë ndodhur që siç tha, të dënohen ata që janë përgjegjës.
“Kërkojmë që të rigjykohen të gjitha tragjeditë që kanë ndodhur duke filluar në 2019 me “Durmo Turs” më pas me Spitalin Modular, “Besa Trans” dhe tash në Koçan. Kërkesa jonë është që të ketë zgjidhje dhe drejtësi të vërtetë, të dënohen ata që janë përgjegjës për këto tragjedi që kanë ndodhur. Për 6 vite, na kanë ndodhur 4 tragjedi që kanë humbur jetën mbi 140 qytetarë”, tha Hodai.
