Hashim Thaçi ka takuar 30 të rinj që janë në një vizitë në Kosovë me program nga YIHR-ja.
Gjatë bashkëbisedimit me ta, Thaçi, sipas një statusi në Facebook, është bindur që e ardhmja e Kosovës dhe e Serbisë do të jetë paqja dhe fqinjësia, transmeton Koha.net.
“E kaluara 100 vjeçare mes Kosovës dhe Serbisë ka qenë e mbushur përplot me armiqësi dhe urrejtje. Por, nga bashkëbisedimi që kisha sot me rreth 30 të rinj shqiptarë e serbë, shumë prej tyre të lindur pas luftës, u binda edhe më shumë se paqja dhe fqinjësia e mirë janë e ardhmja jonë, sepse edhe pajtimi ndërmjet dy shteteve dhe popujve është i mundshëm”, thuhet nga Thaçi.
Me gjithë dhimbjen e madhe, vazhdon më tej Thaçi duke përfunduar se “nuk guxojmë që të rinjtë tanë t’i lëmë peng të së kaluarës”.
