Ish drejtori i Agjencisë Kosovare të Inteligjencës, Bashkim Smaka i është bashkuar kabinetit të presidentit të Kosovës, Hashim Thaçi.
Burime të Indeksonline mësojnë se ish kryespiuni është emëruar si këshilltar i presidentit Thaçi.
Ai sa ishte drejtor i AKI-së njihej për skandalet e shumta si udhëheqës i këtij institucioni të rëndësishëm për vendin.
Derisa mbante postin e të parit të Inteligjencës, Smaka nuk kishte raporte aspak të mira më strukturat udhëheqëse të Policisë së Kosovës.
Madje në atë kohë ishte arrestuar njeriu më i afërt i tij, Isuf Lumit që se ka kryer shkollën e mesme në mënyrë të kundërligjshme, me diplomë false.
Se Smaka ishte i afërt me skandalet tregoi edhe suspendimi i vëllaut të tij, Agim Smaka që ishte larguar nga puna se udhëheqës i logjistikës në Policinë e Kosovës. Ai dyshohej për një keqpërdorim të veturës zyrtare.
Poashtu, ai akuzohej edhe për fikjen e kamerave si dhe vjedhjen e disa dosjeve në objektin e AKI-së.
Në kohën kur Smaka ishte në krye të AKI-së kishte ndodhur edhe një vrasje e një agjenti të AKI-së në luftën e Sirisë. I njëjti ishte “maskuar” si luftëtar i ISIS-it.
Vlen të theksohet se rehatimi i Bashkim Smakës në Presidencën e Kosovës vlerësohet si hap jorelevant për Thaçin dhe demokracinë.
