Mediat e huaja vazhdojë të shkruaj për dekadën e parë të pavarësisë së Kosovës e që besa nuk është që po e prezantojë si është më së mirë, duke përfshirë udhëheqësit politik të korruptuar, vështirësitë ekonomike, papunësia, varfëria, problemet me Serbisë e plot gjëra të tjera shoqërojnë artikujt e mediave ndërkombëtare.
Gazeta irlandeze “The Irish Times”, i ka kushtuar një artikull të veçantë dekadës së parë të shtetësisë së Kosovës, transmeton lajmi.net.
“Kosova ka mbetur peng edhe pas ditëlindjes së sa të dhjetë dhe ende pyesin se ku do të jetë pas një dekade tjetër – brenda Bashkimit Evropian dhe NATO-s ose e mbërthyer në pragun e saj dhe ende duke kundërshtuar ish-zotin e saj, Serbinë”, thuhet në artikull.
Më pas thuhet se 90 për qind e kosovare, prej 1.8 milionë banorësh, ndjekin fqinjët e saj ballkanikë në rrugën e gjatë drejt pranimit në BE, me ç’rast vetëm Serbia dhe Mali i Zi aktualisht konsiderohen të kenë një shans për t’u bashkuar deri më 2025.
“Kosova zyrtarisht shpalljen e pavarësisë nga Beogradi e bëri më 17 shkurt 2008, e cila është dëmtuar nga korrupsioni, papunësia dhe varfëria, por liderët e saj e shohin problemin kryesor fqiun obstruksion në veri. Ata thonë se refuzimi i Serbisë për të pranuar sovranitetin e Kosovës jo vetëm që e pengon atë në Kombet e Bashkuara dhe organizatat e tjera ndërkombëtare, por gjithashtu e ndalon atë të lëviz plotësisht nga lufta e viteve 1998-1999 për të siguruar investime”, vazhdon artikulli i “The Irish Times”.
Duke kujtuar planet e zgjerimit për Ballkanin Perëndimor, kjo e përditshme irlandeze thotë se “BE tha se vendet kandidate duhet të zgjidhin mosmarrëveshjet e tyre dypalëshe përpara se të hyjnë në bllok. Sidoqoftë, Kosova mbetet një çështje e caktuar për serbët, dhe asnjë udhëheqës në Beograd nuk do të dëshironte të mbahej mend për dhënien e djepit të supozuar të historisë, kulturës dhe fesë së kombit.”
“Një sugjerim është se Beogradi në një farë mënyre mund të pranojë faktin e sovranitetit të Kosovës pa e njohur zyrtarisht atë, por një gjë e tillë nuk mund të jetë e pranueshme për disa shtete të BE-së që janë thellësisht skeptikë për zgjerimin e mëtejshëm. Disa zyrtarë serbë propozojnë njohje në këmbim të ndarjes së Kosovës, me zonën veriore të banuara nga serbët që kthehen nën kontrollin e Beogradit, por çdo shkëmbim toke mund të shkaktojë një efekt domino në të gjithë Ballkanin”, thuhet mes tjerash në artikull.
“Vendimet e ashpra qëndrojnë përpara – për Kosovën, Serbinë dhe BE-në – nëse dekada e ardhshme do të sjellë sukses dhe siguri në vend të stagnimit”, përfundon “The Irish Times” artikullin e saj për Kosovën. /Lajmi.net/
