Një protestë po zhvillohet këtë të shtunë pranë TEC-eve lundruese në Vlorë, ku qytetarë dhe aktivistë janë mbledhur për të shprehur shqetësimet e tyre për ndikimin e tij në Gjirin e Vlorës.
Protestuesit janë drejtuar pranë TEC-eve lundruese me pankarta dhe thirrje në mbrojtje të Gjirit të Vlorës, ndërsa në zonë është vënë re një prani e shtuar e forcave të Policisë së Shtetit.
Një prej qytetarëve të pranishëm i ka cilësuar TEC-et lundruese si “tigrat që flenë gjumë dhe marrin para”, ndërsa tha se ato kanë përfituar mbi 70 milionë euro.
“Jemi këtu përpara Tigrit 1 dhe Tigrit 3. Janë këta tigrat që janë në Vlorë, por flenë gjumë dhe marrin para. Kanë marrë deri më tani mbi 70 milionë euro. Ato 70 milionë euro, po t’u shpërndaheshin këtyre policëve, do të kishin të gjithë një uniformë shumë më të mirë. Do të ndihmoheshin pensionistët, spitalet, por kjo është vjedhje e pastër”, u shpreh ai.
Ai bëri edhe akuza të drejtpërdrejta, duke deklaruar se përgjegjës janë Belinda Balluku dhe Ergys Verdho, si dhe drejtuesi aktual i KESH-it, Erald Elezi.
“Për këtë ka përgjegjës dhe ata janë Belinda Balluku dhe Ergys Verdho, që ka qenë drejtor i KESH-it, ka firmosur për këto. Është Erald Elezi, drejtori i KESH-it, i cili i mori në dorëzim këto edhe kur nuk punonin, ose kur punonin me karburant fallco. Edhe SPAK po heton për këtë”, deklaroi qytetari.
Ai kërkoi që policia t’u lejojë qytetarëve të afrohen pranë zonës së TEC-eve, ndërsa paralajmëroi protesta më të mëdha nëse kërkesat e tyre nuk merren parasysh.
“Sot i kërkojmë policisë të na lejojë brenda këtij gardhi dhe njerëzit që nuk i kanë parë këta tigra grabitqarë, t’i shohin. Gardhi i sigurisë nuk është këtu, është gardhi i portit të peshkimit. Ne pse nuk na lejoni të shkojmë te porti?
Nëse hiqen këta tigrat, do të ishte një biznes fantastik turistik për vlonjatët dhe tregtarët. Akoma kanë mundësi që, para se të mbarojë kontrata me qira e këtyre tigrave, nëse nuk hiqen brenda këtyre ditësh, do të përballeni vërtet me furinë e popullit për të liruar hapësirën”, tha ai.
Qytetari: Jemi këtu përpara Tigrit 1 dhe Tigrit 3. Janë këta tigrat që janë në Vlorë, por flenë gjumë dhe marrin para. Kanë marrë deri më tani mbi 70 milionë euro. Ato 70 milionë euro, po t’u shpërndaheshin këtyre policëve, do të kishin të gjithë një uniformë shumë më të mirë. Do të ndihmoheshin pensionistët, spitalet, por kjo është vjedhje e pastër.
Kanë ardhur nga Bangladeshi, kanë punuar, kanë dy vite pa punë këtu tigrat. Më në fund ndezën ca ditë këto motorët e këtij TEC-i, sa për të marrë 70 milionët. Për këtë ka përgjegjës dhe ata janë Belinda Balluku dhe Ergys Verdho, që ka qenë drejtor i KESH-it, ka firmosur për këto. Është Erald Elezi, drejtori i KESH-it, i cili i mori në dorëzim këto edhe kur nuk punonin, ose kur punonin me karburant fallco. Edhe SPAK po heton për këtë.
Ne jemi këtu pak veta, kemi vendosur një pankartë ku themi që “rrëzojmë gardhin e TEC-it lundrues”, por nuk kemi ardhur këtu për ta rrëzuar fizikisht. Gardhin do ta rrëzojnë ata që e kanë vendosur, KESH, qeveria, kompanitë offshore. Ata duhet të vijnë ta heqin sa më parë. Nëse jo, këta policë që janë këtu nuk kanë për ta përballuar popullin e Vlorës që do të vijë vërtet për t’i rrëzuar këto gardhe në momentin e duhur, pasi të jemi të sigurt që qeveria nuk ka reaguar.
Populli do të vërshojë dhe nuk ka policë që ta ndalojë. Sot i kërkojmë policisë të na lejojë brenda këtij gardhi dhe njerëzit që nuk i kanë parë këta tigra grabitqarë, t’i shohin. Gardhi i sigurisë nuk është këtu, është gardhi i portit të peshkimit. Ne pse nuk na lejoni të shkojmë te porti?
Nëse hiqen këto tigrat, do të ishte një biznes fantastik turistik për vlonjatët, tregtarët. Akoma kanë mundësi që, para se të mbarojë kontrata me qira e këtyre tigrave, nëse nuk hiqen brenda këtyre ditësh, do të përballeni vërtet me furinë e popullit për të liruar hapësirën.
The post “Tigri 1 dhe Tigri 3 flenë gjumë dhe marrin 70 milionë euro!”- Protestë kundër TEC-eve lundruese në Vlorë, qytetarët: Përgjegjës është Balluku me Ergys Verdhon dhe Erald Elezin appeared first on Gazeta Shqiptare Online.
