Temperaturat e ulëta që po vazhdojnë këtyre ditëve në Kosovë, kanë sjellur shumë reshje të shiut. Por në Rugovë ka rënë edhe borë.
Gjatë ditës së djeshme ka rënë borë në Rugovë të Pejës, e cila siç duket ka vazhduar edhe gjatë mbrëmjes.
Sipas disa fotografive të publikuara në rrjetet sociale, thuhet se trashësia e borës ka arritur deri në 15 centimetra.
Sot mbi vendin tonë temperaturat minimale parashihen të lëvizin ndërmjet 5-7 gradë celsius, ndërsa maksimalet e ditës parashihen të lëvizin ndërmjet 16-17 gradë Celsius.
