Tre italiane kanë grabitur një byzylyk me vlerë në një argjendari në Vlorë. Ato kanë arritur të shpërqendrojnë shitësen duke i marrë byzylykun me diamante.
Grabitja e bizhuterisë së shtrenjtë u zbulua vetëm pas largimit të vajzave nga dyqani.
Tre vajzat flisnin në gjuhën italiane dhe pronarët e argjendarisë kanë kërkuar ndihmë për identifikimin e tyre.
Pasi u identifikuan, 3 hajdutet u kapën në portin e Vlorës, ku do udhëtonin drejt Italisë.
Policia i ka ndaluar menjëherë në terminal ndërsa pas marrjes në pyetje, ato deklaruan se kanë mbërritur disa ditë më parë në qytetin e Vlorës dhe kanë pranuar autorësinë e grabitjes së byzylykut.
