I dyshuari kryesor për organzimin e tentim grusht shtetit në Turqi, gjenerali Akin Ozturk është fshirë nga faqja e internetit e Forcave të Armatosura të Turqisë. Ozturk dyshohet si pjesëtar i grupit FETO, si një prej planifikuesve të tentim grusht shtetit në Turqi me datë 15 korrik. Ish komandanti i Forcave Ajrore të Turqisë u arrestua dhe më pas ndaj tij u caktua masa e paraburgimit, raporton Sakte.net
Por, tashmë në faqen e internetit të Forcave Ajrore nuk ekziston asgjë që ndërlidhet me emrin e tij, pavarësisht si ai ishte në krye të këtyre forcave. Biografia dhe fotografitë e tij janë hequr që të gjitha. Po ashtu, janë fshirë nga historia e shërbimit ushtarak edhe disa bashkëpunëtorë të tij të ngushtë./Sakte.net
