Qeveria turke ka përkujtuar sot përpjekjen e dështuar të grusht-shtetit vitin e kaluar nga një fraksion ushtarak.
Kryeministri Binali Yildirim vizitoi sot në Stamboll varret e personave që u vranë më 15 korrik, raporton DPA.
Që nga mesi i korrikut të vitit të kaluar, Turqia ka shpallur gjendjen e jashtëzakonshme duke i dhënë një pushtet të gjerë përmes referendumit që zgjeron autoritetin e presidentit, Recep Tayyip Erdogan.
Më shumë se 50000 persona janë arrestuar, të dyshuar si kundërshtarë politik dhe mbështetës të grusht-shtetit.
Qeveria ka fajësuar klerikun mysliman, Fethullah Gulen, një ish-aleat i Erdoganit, për organizimin e përpjekjes së grusht-shtetit, i cili i ka mohuar akuzat.
Presidenti Erdogan do të mbajë një fjalim më 16 korrik në Parlamentin turk.