Qytetari i Shqipërisë, S.K që dyshohet se ka vrarë motrën e tij më 4 qershor të vitit 2013 në Prizren është ekstraduar nga Britania e Madhe.
Policia ka bërë të ditur se vrasja e rëndë kishte ndodhur në rrugën “Qazim Berisha” , afër rrethit të Bazhdarhanes me ç’ rast S.K dyshohet se e pati vrarë motrën e tij dhe kishte arritur të ikte në drejtim të panjohur, njofton Klan Kosova.
Hetuesit rajonal nuk i kishin pushuar hetimet lidhur me rastin dhe së fundmi kanë arritur që të sigurojnë informacione për të dyshuarin i cili po fshihej në Britani të Madhe.
Të dyshuarit S. K. pas intervistës në prani të avokatit mbrojtës, nga prokurori i shtetit i është lëshuar vendimi për ndalim për 48 orë.
