Një ngjarje e pazakontë është regjistruar në një fshat të Lezhës, ku banorët janë bërë bashkë për të “ndëshkuar” të keqen e përbashkët. Në orët e para të mëngjesit dy të rinj janë futur në një banesë në fshatin Pllane për të grabitur, por janë pikasur nga komshinjtë.
Sapo kanë dalë nga vila 3-katëshe, disa banorë të lagjes i janë vënë në ndjekje dhe duke njoftuar njëri-tjetrin në telefon dhe kanë arritur të bllokojnë njërin prej tyre. Gjatë tentativës për t’u larguar, njeri ka hedhur në ferra pistoletën dhe një telefon, ndërsa tjetri është larguar në drejtim të malit.
Siç duket edhe nga pamjet e siguruara nga “Balkanweb” kanë mundur që të kapin një prej tyre, ndërsa tjetri është shpallur në kërkim nga Policia e Shtetit. Mesa duket të rinjtë ishin kthyer në “makth” për banorët e zonës.
