Një 42 vjeçar është paraqitur ditën e sotme në urgjencën e QSUT-së, pasi ishte i plagosur në këmbë me thikë.
I lënduari është identifikuar me inicialet G.S., 42 vjeç, banues në Shkozë.
42 vjeçari ka deklaruar përpara uniformave blu se ngjarja ka ndodhur në afërsi të spitaleve, kur një person i paidentifikuar e ka goditur me thikë në këmbë e më pas është larguar.
Sakaq, grupi hetimor po punon për sqarimin e rrethanave të ngjarjes dhe identifikimin e autorit.
NJOFTIM
Tiranë/Informacion paraprak
Më datë 23.09.2024, në urgjencën e QSUT-së është paraqitur për ndihmë mjekësore dhe aktualisht ndodhet jashtë rrezikut për jetën, shtetasi G. S., 42 vjeç, banues në Shkozë, i dëmtuar në këmbë, dyshohet me mjet prerës.
Sipas deklarimit të 42-vjeçarit, ditën e sotme, në afërsi të spitaleve, një shtetas ende i paidentifikuar e ka goditur me mjet prerës në këmbë dhe më pas është larguar.
Grupi hetimor po punon për sqarimin e rrethanave të ngjarjes dhe identifikimin e autorit të dyshuar.
