Pilotja luftarake italiane, 23 vjeçarja Giulia Schiff, e cila u dëbua nga forcat ajrore të Italisë pasi u ankua se ishte bulizuar dhe ngacmuar brutalisht, i është bashkuar rezistencës ukrainase.
Giulia Schiff bëri bujë dy vjet më parë kur u shfaqën pamjet e saj duke u plagosur nga kolegët në një shaka inicimi.
23-vjeçarja çoi tetë rreshterë në gjykatë, pasi e goditjen me kokë në krahun e një avioni, pastaj duke e goditur me kamzhik në anën e pasme, përpara se ta hidhnin në një pishinë gjatë ritualit kësaj shakaje.
Schiff u largua nga forcat ajrore pasi u ankua për shakanë – megjithëse shefat e saj ushtarakë pretenduan se ajo u dëbua për ‘aftësi të pamjaftueshme ushtarake’, shkruan DailyMail, përcjellë “Bota sot”.
Çështja e shkarkimit të saj të padrejtë u dërgua më pas në gjykatën më të lartë administrative të Italisë, por ajo humbi.
Tani, kadetja e lindur në Venecia i është bashkuar forcave speciale ukrainase në luftën e tyre kundër pushtimit rus, sipas emisionit televiziv Le Iene.
Burime pranë emisionit thanë: “Ajo nuk është dorëzuar kurrë”.
Sipas Corriere della Sera, Giulia ishte regjistruar si kadete tre muaj përpara se incidenti ‘mashtrues’ të filmohej në prill 2018, pasi ishte e katërta nga gati 2,000 aplikantë.
Schiff pretendon se ajo u bë një ‘dele e zezë’ pasi u ankua për ritualin, përpara se të dëbohej më vonë në 2018 për gjoja mosdisiplinë.
Një gjenerale tha se asaj i mungonte “disiplina, bindja… dhe sakrifica e nevojshme për të ndërmarrë një karrierë ushtarake”, thanë mediat italiane./Bota sot
