Nuk arritën as t’i shohin familjarët. Krejt çka panë ishte rruga Aeroport i Prshtinës deri në Rubik të Shqipërisë. Ky ishte rrugëtimi i fundit i familjes Avdijaj që mbrëmë u shuan në një aksident të tmerrshëm në Autostradën e Kombit rreth orës 19.00.
E vetmja që mbijetoi, por që është keq është vajza e vogël e familjes.
Blerim Avdija, gruaja e tij Anjeza dhe vajza e madhe Medina mbetën të vdekur në vend. Bashkë me ta ishte edhe djali i kunatit i cili gjithashtu vdiq.
E vetmja që i mbijetoi aksidentit, është Violeta vajza 3 vjeçare e cila është duke luftuar për jetë.
Blerimi me prejardhje nga Bellopoja e Pejës, erdhi me pushime në Kosovë. Destinacioni tyre i parë dhe u fundit ishte Shqipëria.
Burimet e “Syri.net”, tregojnë se ata dyshohet se posa kanë ardhur nga Bazelli i Zvicrrës në Aeroportin e Prishtinës rreth orë 15.45 kanë marr një makinë me qira. Bashkë me gruan dhe fëmijët, me makinën që e mori u nisën drejt Tiranës, aty ku dyshohet se jeton familja e gruas së tij tashmë të ndjerë, Anjezës.
Me vete kishin edhe djalin e kunatit, 11 vjecarin Klodian Koçi.
Burimet tona tregojnë se ata kanë kaluar kufirin rreth orë 18.00.
Derisa tregohet se në Rubik hasën në një kamion mallrrash të tonazhit të rëndë, me targ të Prizrenit 04 ku ngasësi i cili ka shpëtuar thuajse pa lëndime Isa Shala ishte nga Rahoveci
Blerimi dhe familja e tij kishin nënshtetësi zviceriane, derisa destinacion kishin Tiranën.
© SYRI.net
