91% e fëmijëve në emigracion janë njëmbëdhjetë vjeç. Në këtë përfundim ka dalë një raport i UNICEF- it “Child Alert” për migrimin e fëmijëve, sipas të cilit janë gjithnjë më të vegjëlit ata që lëvizin. Më të rinjtë po migrojnë në një numër rekord veçanërisht në Amerikën Latine, Karaibe dhe Afrikën Sub-Sahariane, ku përbëjnë 25% të popullsisë migrante, nga 19% që ishte në 2019.
Një numër rekord fëmijësh po lëvizin nëpër tre rrugë kryesore migracioni në Amerikën Latine dhe Karaibe: përmes xhunglës Darie’n midis Kolumbisë dhe Panamasë, migrimi jashtë nga Amerika e Jugut dhe në pikat kryesore të tranzitit në Amerikën Qendrore veriore dhe Meksikë.
“Ndërsa udhëtojnë nëpër disa vende dhe ndonjëherë në të gjithë rajonin, sëmundja dhe lëndimi, ndarja e familjes dhe abuzimi mund të pengojnë udhëtimin e tyre dhe edhe nëse arrijnë në destinacionin e tyre, e ardhmja e tyre shpesh mbetet në rrezik,” shtoi Conille.
Të paktën 29,000 fëmijë bënë kalimin e rrezikshëm të Darie’n në vitin 2021. Rreth 40,000 fëmijë kaluan në vitin 2022 dhe më shumë se 60,000 kaluan xhunglën Darie’n në tetë muajt e parë të 2023, gjysma e tyre të moshës nën pesë, duke e bërë atë vitin me numrin më të madh të kalimeve të fëmijëve në histori.
Ndërkohë, është rritur edhe numri i fëmijëve refugjatë dhe emigrantë të kapur në kufirin jugor të SHBA. Në vitin 2021 u regjistruan më shumë se 149 mijë kalime të miturve dhe më shumë se 155 mijë në vitin 2022. Sipas CBP, në shtatë muajt e parë të 2023 më shumë se 83 mijë fëmijë kanë hyrë në vend.
“Shkalla e paprecedentë e krizës së migrimit të fëmijëve në Amerikën Latine dhe Karaibe kërkon urgjentisht një përgjigje më të fortë humanitare dhe zgjerimin e rrugëve të sigurta dhe të rregullta të migrimit për fëmijët dhe familjet për të ndihmuar në mbrojtjen e të drejtave dhe të ardhmes së tyre, pavarësisht nga origjina e tyre”, përfundoi Conille
© SYRI.net
