Një ushtar britanik në Siri e ka vrarë veten në mënyrë që t’i shmangej kapjes nga ISIS-i, kanë thënë burime kurde për BBC-në
Ryan Lock, 20-vjeçar, nga Chichester, vdiq më 21 dhjetor gjatë një beteje për të çliruar bastionin e ISIS-it, Raqqa, transmeton Express.
Ai po luftonte si vullnetar me forcat e armatosura kurde, YPG.
YPG ka thënë për BBC-në se ai ishte qëlluar nën mjekër, duke sugjeruar se kishte kryer vetëvrasje.
Sipas burimeve, pesë luftëtarë ishin rrethuar nga ISIS-i në fshatin Ja’bar, dhe se ata kishin treguar qëndresë të konsiderueshme para se të vriteshin./Gazeta Express/
