Policia e Kosovës në raportin 24 orësh ka dhënë detaje rreth rastit të vdekjes së Triumf Feratit, vëllait të kryetarit aktual të Istogut, Ilir Ferati.
Në raportin e policisë thuhet se rasti është cilësuar si “hetim i vdekjes” dhe se policia pas pranimit të informatës rreth orës 16:10 ka dalë menjëherë në vendin e ngjarjes.
Policia bënë të ditur se në vendin e ngjarjes kanë gjetur një armë zjarri me 11 fishekë dhe një gëzhojë.
“Lidhur me rastin pas pranimit të informatës, në vendin e ngjarjes kanë dal njësitë policore dhe ekipi mjekësor të cilët kanë konstatuar vdekjen e viktimës mashkull kosovar. Në vendin e ngjarjes po ashtu është gjetur dhe konfiskuar edhe një armë zjarri me 11-fishekë dhe një gëzhojë”, thuhet në raportin e policisë.
Me urdhër të prokurorit, trupi i pajetë është dërguar në IML për obduksion, kurse rasti është duke u hetuar.
Triumf Ferati ka ndërruar jetë ditën e diel, ai dyshohet se i ka dhënë fund jetës së tij. I njëjti ishte gjetur pa shenja jete në varrezat e fshatit Gurrakoc.
