Këmbësori i cili u godit nga një veturë rreth orës 19:30, në Shakovicë të Podujevës, nuk ka mundur t’i mbijetojë plagëve të marra.
Rastin e ka bërë të ditur zëdhënësja e policisë për rajonin e Prishtinës, Flora Ahmeti.
Ahmeti ka thënë se vdekjen e ka konstatuar ekipi mjekësor në Qendrën e Mjekësisë në Podujevës.
“Këmbësori V.A. mashkull 67 vjeç, i lënduar në aksident nuk ka arritur të përballoj plagët e shkaktuara nga aksidenti dhe i njëjti ka ndërruar jetë. Vdekjen e viktimës e ka konstatuar ekipi mjekësor në Qendrën e Mjekësisë në Podujevë”.
Ahmeti tha se si pasojë e aksidentit ndihmë mjekësore ka kërkuar edhe një person.
“Bazuar në informatat e fundit të pranuara nga vendi i ngjarjes tretman mjekësor ka kërkuar edhe një person tjetër (pasagjer në veturën e përfshirë në aksident)”, tha tutje.
