Gjykata Kushtetuese ka mbyllur seancën për shqyrtimin e kërkesës së Erion Veliajt pa dale me një vendimmarrje në lidhje me kërkesën për shfuqizimin e masës së ‘arrestit në burg’.
Kujtojmë që kryebashkiaku i Tiranës Erion Veliaj, ka kërkuar të shpallet antikushtetuese masa e “arrestit në burg”, të vendosur nga GJKKO në shkurt të vitit 2025, masë e cila u konfirmua më vonë nga Apeli i GJKKO-së dhe nga Gjykata e Lartë.
Veliaj ka argumentuar se masa e vendosur ndaj tij nuk është proporcionale, për shkak se ai jo vetëm që është qytetar, por edhe i zgjedhur sipas Kushtetutës.
Në ankimin e tij, Veliaj thotë se nuk janë analizuar kriteret për vendosjen e masës së sigurimit, pasi, sipas tij, Kodi i Procedurës Penale parashikon që të gjithë, pasi kalon një periudhë kohore, duhet të gjykohen në liri kundrejt një garancie pasurore.
