Kryetari i Kuvendit të Kosovës, Kadri Veseli ka përkujtuar luftëtarin Hasan Prishtina, në 83 vjetorin e rënies së tij.
Veseli, në një postim në rrjetin social Facebook, ka shkruar se diplomati Prishtina u shndërrua në model për ata që punuan për lirinë e Kosovës.
“Sot, në 83 vjetorin e rënies, kujtojmë luftëtarin dhe diplomatin e madh të çështjes sonë kombëtare, Hasan Prishtinën. Me veprën e tij jetësore, ai u shndërrua në model të atdhetarisë për të gjitha gjeneratat që punuan e luftuan për lirinë dhe pavarësinë e Kosovës. K.V”, ka shkruar Veseli në Facebook.
