Ka përfunduar takimi i krerëve të shtetit i cili ka qenë duke u mbajtur në njërin nga resaturantet e kryeqytetit.
Pas këtij takimi ka folur vetëm kryeparlamentari Kadri Veseli, i cili ka thënë se ajo që ka ndodhur dje ka qenë një gabim i dëmshëm për qytetarët dhe Republikën e Kosovës.
“Ka pasur defekte brenda institucioneve tona dhe ka ndodhur gabimi dje. Nuk do të ndodhë më kurrë asnjëherë diçka e tillë, ka qenë gabim i dëmshëm për qytetarët dhe Republikën e Kosovës”, ka thënë Veseli.
Ai ka shtuar se janë duke i marrë të gjitha masat, dhe se do t’i shkojnë deri në fund kësaj çështje.
“Jemi duke i marrë të gjitha masat që t’i shkojmë deri në fund kësaj çështje. Kurrë më shumë nuk na duhet besimi i qytetarëve se sot”, u shpreh Veseli lidhur me arrestimin e gjashtë shtetasve turq.
I pyetur rreth asaj se përse presidenti i vendit Hashim Thaçi ka lëshuar takimin, Veseli nuk është përgjigjur, e as kryeministri Ramush Haradinaj.
Në takim kanë marr pjesë kryeministri, Ramush Haradinaj, kryekuvendari Kadri Veseli si dhe zëvendëskryeministrat, Fatmir Limaj, Behgjet Pacolli, Enver Hoxhaj dhe kryetari i Mitrovicës, Agim Bahtiri.
