Grupi Parlamentar i Lëvizjes Vetëvendosje ka dorëzuar sot kërkesën për Kryeministrin Avdullah Hoti për shpjegime lidhur me ndërprerjen e punimeve në rrugën Deçan-Plavë.
“Vendimi për të ndërprerë punimet në ndërtimin e rrugës Deçan-Plavë është jashtëzakonisht i dëmshëm, jo vetëm në aspektin ekonomik e infrastrukturor, por edhe në atë politik e shtetëror. Qeveria e Kosovës e ka përgjegjësi mbrojtjen dhe afirmimin e interesave të shtetit të Kosovës dhe të qytetarëve të saj”, është shprehur Adnan Rrustemi nga ky subjekt.
“Nisur nga kjo deputetë të GP të LV-së, sot, kanë dorëzuar kërkesën për shpjegime në lidhje me ndërprerjen e punimeve në realizimin e këtij projekti”.
