Mbi 270 persona janë punësuar me kontratë mbi vepër në administratën komunale të Prishtinës.
Shoqëria Civile, INPO e Opozita po akuzojnë se shumica prej të punësuarve me kontratë mbi vepër janë aktivistë të Lëvizjes Vetëvendosje! të cilët në buxhet i kushtojnë komunës mbi 400,000 euro në vit.
Hysen Durmishi, drejtor i investimeve kapitale i ka pranuar Klan Kosovës se ka punësuar aktivistë të lëvizjes “Vetëvendosje” ku është pjesë edhe ai.
Janë dy persona në zyrën e tij që marrin pagë nga komuna e që janë aktivistë të VV’së, njëri kryen punën e këshilltarit e tjetri të inxhinierit.
Zëdhënësja e komunës nuk ka dashur të përgjigjet pyetjeve të Klanit se sa aktivistë të VV’së janë të punësuar në komunë, ajo tha se s’ka përgjigje për këto pyetje.
