Biznesmenja Vilma Nushi, është paraqitur mëngjesin e sotëm në ambientet e Gjykatës Kundër Korrupsionit dhe Krimit të Organizuar (GJKKO).
Sakaq, ende nuk dihet përse ajo ndodhet në ambientet e posaçme, por opozita e ka akuzuar Nushin për përfitimin e 1.5 milionë euro nga dividenti i Sterilizimit.
““Konkretisht, anëtaret e opozitës ne Komisionin Hetimor kanë kërkuar që në mbledhjen e parë të këtij Komisioni që pjesë e listës së dëshmitarëve të jetë edhe znj. Vilma NUSHI, në cilësinë e pronares së dy kompanive e cila është pjesë e një prej koncesioneve objekt i veprimtarisë hetimore të këtij Komisioni. Deputetët e opozitës e konsiderojnë rolin e znj Vilma Nushi e cila është përfituese indirekte dhe direkte (ka përfituar rreth 1.5 mln Euro nga dividenti).”, u shprehën anëtarët e PD në komisionin Hetimor për Sterilizimin më 13 nëntor 2024, kur shtruan kërkesën që Vilma Nushi të merret në pyetje nga ky komision i posaçëm.
