Vijojnë për rreth tre orësh të jenë aktive flakët në kompleksin e “Arlis sh.p.k” pranë QSUT-së në kryeqytet, të cilat kanë shkrumbuar plotësisht fasadën e veshur me material polisteroli.
Zjarrfikësit kanë arritur të neutralizojnë zjarrin në pjesën e jashtme të godinës, ndërsa tashmë aksioni po vijon në brendësi të godinës, pasi flakët janë përhapur nga fasada brenda apartamenteve të banimit.
Siç u raportua dhe më herët në këto banesa kishte edhe qytetarë, ku zjarrfikësit arritën të shpëtoni dhe nxirrini nga ballkonet dy gra pa dëme të mëdha, të cilat më pas u dërguan në spital për ndihmë mjekësorr.
Bëhet me dije se në Urgjencën e QSUT dhe në repartin e Djegie-Plastikës janë dërguar deri më tani 11 persona, mes tyre qytetarë dhe zjarrfikës, të cilët janë asfiksuar nga tymi dhe kanë pësuar djegie.
