Persona të panjohur gjatë mbrëmjes së kaluar, rreth orës 22 kanë shkuar në një vend punishte në fshatin Sërbicë të Prizrenit, ku i anë hapur disa rezervuar të naftës dhe e kanë vjedhur naftën.
Të njëjtët kanë kanosur rojën e vendit, i cili pas largimit të tyre i ka ndjekur të dyshuarit, që më pas kanë gjuajtur me armë zjarri.
Pas kësaj njësitë policore kanë dalë në vendin e ngjarjes ku kanë kryer hetimet për rastin në fjalë dhe kanë bllokuar rrugët.
Në pamundësi për të ikur, të dyshuarit e kanë braktisur automjetin në një pyll dhe kanë ikur.
Ndërkaq, sot është arrestuar P. P. Nga Sërbica e Epërme dhe pas intervistës në prani të avokatit mbrojtës, është informuar prokurori i shtetit i cili ka urdhëruar që i dyshuari të ndalët nën arrest, ndërsa një i dyshuar tjetër është arratisur. Vetura e braktisur është sekuestruar dhe do të shërbej si provë materiale. Ndërsa mbetet të gjendet edhe arma e zjarrit që dyshohet të jetë përdorur.
