Deputetja e LDK-së, Vjosa Osmani, thotë se kur mungon opozita në një institucion legjislativ nuk mund të konsiderohet se ka funksionim demokratik të atij institucioni.
“Ka pas edhe raste kur është konsideruar se përmes arrogancës së numrave mund të kalohen vendime të rëndësishme dhe është dëshmuar e kundërta. Pra nëse duhet të mësojmë një mësim nga ky vit është se për çështje nacionale duhet të ketë pajtim mes pushtetit e opozitës apo së paku përfshirje të opozitës në ato procese vendimmarrëse”, ka thënë ajo për KTV-në.
