Grupi parlamentar i VMRO-DPMNE-së paraqiti propozim-ligjin me të cilin produktet ushqimore do të lirohen nga TVSH-ja deri më 31 Dhjetor. Opozita kërkojnë gjithashtu që TVSH-ja për karburantet e lëngëta të jetë 5% deri në fund të vitit. Kjo erdhi në ditën e fundit të shfuqizimit të masave anti krizë. Partia opozitare kërkon edhe mbështetjen e shumicës.
“Grupi deputetëve të VMRO dhe Koalicionit për Ripërtëritje të Maqedonisë do të propozoj ligj, me të cilin prodhimet ushqimore do të jenë të liruara nga tatimi deri më 31 dhjetor 2022. Kërkojmë gjithashtu që TVSH-ja për karburantet e lëngëta të jetë 5% deri në fund të vitit. Me miratimin urgjent të këtij ligji do të pengohet rritja shtesë e çmimeve të produkteve bazë ushqimore dhe për këtë kërkojmë nga kolegët tanë deputetë të shumicës që të punojnë në interes të qytetarëve, e jo të elitës në pushtet”, deklaroi Bojan Stojanovski, deputet i VMRO-DPNE.
