Vrasja e Artan Cukut është kryer për 20 mijë euro.
Kjo zbulohet nga dokumenti i akt-marrëveshjes së firmosur mes Mikel Shallarit, prokurorit të çështjes Henrik Ligori dhe avokates Edlira Naqellari,
Në këtë akt marrëveshje shpjegohet edhe motivi i krimit: Nga i pandehuri Bledar Jambelli dhe bashkëpunëtori i tij Kristaq Leci mësoi se viktima e pati arrestuar të pandehurin Jambelli, si të dyshuar për vrasjen e shtetasit Amarildo Delaj. Ky fakt provohet se ka ndodhur në kohën kur viktima kryente detyrën e drejtorit të Policisë së Vlorës.
Jambelli arrestimin e tij e quante të padrejtë, të nxitur nga persona të tjerë. Ky ishte motivi që ai kishte vendosur ta vriste viktimën Artan Cuku, duke u shprehur me fjalë fyese për të.
“Ky shpjegim i të pandehurit mbështetet nga provat dokumentare”, shkruhet në akt marrëveshjen e dorëzuar dhe miratuar nga Gjykata e Krimeve të Rënda e cila pranodi dënimin e Mikel Shallarit me 10 vite burg.
Vrasja e Artan Cukut u krye më 8 prillin e vitit 2017, në derën e pallatit ku banonte kryekomisari në rrugën e “Kosovarëve” në kryeqytet.
