Një adoleshent autik është goditur me thikë në gjoks dhe iu nënshtrua një operacioni për të shpëtuar , pasi më në fund mori guximin për të dalë nga shtëpia e tij.
Viktima Billy Baxter, 16 vjeç, ra pre e sulmit teksa doli në qytetin e tij të lindjes në Blackburn për herë të dytë në më shumë se dy vjet për shkak të ankthit të tij social.
Ai u godit me thikë në zemër dhe mushkëri dhe mbeti me një shenjë rreth 30 centimetra të gjatë, që ia përshkonte krharorin mes për mes.
Nëna e tij, Jessie Brian, 35 vjeç, tha se djali i saj mbeti i traumatizuar nga incidenti dhe familja tani po planifikon të largohet nga zona ku ata kanë banuar gjithë jetën.
Agresori 17-vjeçar i Billy-t, emri i të cilit nuk mund të përmendet për arsye ligjore, u dënua me vetëm 28 muaj paraburgim për sulmin javën e kaluar.
Ai u akuzua fillimisht për tentativë vrasjeje, por kjo u ul në plagosje me dashje nga Shërbimi i Prokurorisë së Kurorës.
