Shteti turk ka investuar jo pak në Serbi. Së fundi është duke u ndërtuar fabrika e tekstilit ‘Eurotay’ ku pritet të punësohen një numër i madh i grave nga të gjitha moshat.
Presidenti serb, Aleksandër Vuçiq, në fjalën e tij para të pranishmëve gjatë vizitës që i bëri fabrikës në fjalë ditë më parë, dëgjohet duke i joshur investitorët turq me femra serbe, raporton Gazetametro.
“Ju turqit që po kujdeseni për investimet në Serbi, kujdesuni edhe për gratë tona… dhe kujdesuni mirë për to”, dëgjohet duke thënë Vuçiq.
Fabrika e tekstilit “Eurotay”, e cila është duke u ndërtuar në Adran pranë Kralevës, do të punësojë 2.500 vetë dhe pritet të hapet në prill 2019.
